པི་ལ་ཏོའི་མདུན་ལ་ཡ་ཤུ་བ།
1 སྔ་དྲོ་ནམ་ཐོ་རེངས་ལ་རང་ཡ་ཧུ་དྰ་པའི་ཚོགས་ནང་གི་མཆོད་ཁྲི་བྱེད་མཁན་གྱི་ལེ་ཝི་ཆེན་པོ། འགོ་པ་ཆེན་པོ། བཀའ་ཁྲིམས་གཏོང་མཁན་གྱི་དགེ་རྒན་ཡ་དང་གྲོས་མི་གང་པོ་འགྲིགས་ཏེ་ཡ་ཤུ་བ་ལ་རོ་མ་པ་བཀའ་བློན་ལ་རྩིས་རྒྱབ་མཁན་སྨྲས་ཏེ་གཏན་གཏན་བྱེད་ཟིན། འོ་ལས་ཡ་ཤུ་བ་ལ་བཀྱིགས་ཏེ་{རོ་མ་པ་ཁྲིམས་ལྟ་མཁན་གྱི་བཀའ་བློན་} པི་ལ་ཏོའི་རྩར་ལ་ཁྱེར་ཏེ་རྩིས་རྒྱབ་ཟིན། 2 འོ་ལས་པི་ལ་ཏོས། ཁྱོད་ཡ་ཧུ་དྰ་པ་ཡ་གི་རྒྱལ་པོ་ཡིན་པ། སྨྲས་ཏེ་འདྲི་ཟིན། འོ་ནི་རང་གི་རང་སྨྲ་འོ་ནུ། སྨྲས་ཏེ་ཡ་ཤུ་བས་སྨྲ་ཟིན། 3 འོ་ལས་ལེ་ཝི་ཆེན་པོ་ཡ་གིས་ཡ་ཤུ་བ་ལ་སྐྱོན་མང་པོ་རང་འགེལ་ཟིན། ཡིན་ནས་ཡ་ཤུ་བས་ལན་གཅིག་ཀྱང་མ་བརྒྱབ། 4 འོ་ལས་གཉིས་པར་རང་པི་ལ་ཏོས་ཡ་ཤུ་བ་ལ། ཁོང་གིས་ཁྱོད་ལ་སྐྱོན་འགེལ་གྱོ་དེ་ཁྱོད་ཀྱིས་ཐོས་ཟིན། ཅི་ལས་གཏམ་སྒྲ་མི་གསལ་མཁན། སྨྲས་ཏེ་འདྲི་ཟིན། 5 འོ་ཙམ་ལ་ཡང་ཡ་ཤུ་བས་ལན་ཅི་ཡང་མ་བརྒྱབ། འདི་མཐོང་སྟེ་པི་ལ་ཏོ་ཧ་ལས་ཟིན།།
ཡ་ཤུ་བ་ལ་ཁྲིམས་གཏོང་གྱོ།
6 ད་སྐྱོབ་མཁན་གྱི་དུས་ཆེན་གཏོང་མཁན་གྱི་ཉི་མ་ཡ་ལ་ཁྲིམས་ལྟ་མཁན་གྱི་བཀའ་བློན་གྱིས་མི་ཡ་གིས་འདམ་གྱོའི་བཙོན་ཁང་ལ་ཆུད་ཀྱོའི་མི་གཅིག་གཏོང་གོ་ཡོད་མཁན། 7 འོ་ཙམ་གང་ལ་བཙོན་ཁང་ལ་འཁྲུགས་ཤིག་ཟིང་ཆ་བྱེད་མཁན་གང་ལ་མི་གསོད་ཀྱོའི་མི་ཡ་གི་ནང་ལ་བྰ་རབ་བ་མིང་འཐོགས་ཀྱོའི་མི་གཅིག་ཡོད་མཁན། 8 འོ་ལས་མི་བུངས་ཤིག་ཡ་པི་ལ་ཏོའི་རྩར་ལ་འོངས་ཏེ། ནམ་སྨྲ་ན་ཅོག་གྲོ་བྱས་ཏེ་ངེད་ལ་བཙོན་ཁང་ལ་ཆུད་ཀྱོའི་མན་ན་གཅིག་གཏོང་དོང་། སྨྲས་ཏེ་ཞུ་ཟིན། 9 འོ་འདྲ་ཞུ་གོ་རང་པི་ལ་ཏོས། ཡ་ཧུ་དྰ་པ་ཡ་གི་རྒྱལ་པོ་སྨྲ་མཁན་དེ་ལ་གཏོང་དོང་། སྨྲས་ཏེ་འདྲི་ཟིན། 10 ཅི་སྨྲ་ཟིན་སྨྲ་ན། ལེ་ཝི་ཆེན་པོ་ཡ་གིས་ཡ་ཤུ་བ་ལ་ཕྲག་དོག་བྱས་ཏེ་རང་ལ་འཆོལ་གྱོ་སྨྲ་མཁན་དེ་པི་ལ་ཏོ་ལ་རྒྱུས་ཡོད་མཁན།
11 འོ་ལས་ལེ་ཝི་ཆེན་པོ་ཡ་གིས་མི་བུངས་ཤིག་ཡ་ལ། བྰ་རབ་བ་ལ་གཏོང་དོང་། སྨྲས་ཏེ་སྨྲ་འཇུག་ཟིན། 12 འོ་ལས་པི་ལ་ཏོས། འོ་ན་ཁྱེད་ཀྱིས་ཡ་ཧུ་དྰ་པ་ཡ་གི་རྒྱལ་པོ་སྨྲ་མཁན་དེ་ལ་ངས་ཅི་བྱེད་ཏོང་ལེ། སྨྲས་ཏེ་འདྲི་ཟིན། 13 རྒྱངས་ཤིང་ལ་འཕྱངས་ཏེ་གསོད་ཏོང་། སྨྲས་ཏེ་མི་བུངས་ཤིག་ཡ་གིས་སྐད་བཏོན་ཏེ་སྨྲ་ཟིན། 14 ཅི་ལས། འདི་མིས་ལས་ཀ་ནོར་ཀྱོ་འཇིག་ཀྱོ་ཅི་བྱས་ནུག་པ། སྨྲས་ཏེ་འདྲི་མཁན་གང་ལ་ནི་མི་ཡ་གིས་ད་རུང་ཡང་སྐད་བཏོན་ཏེ། ཁོ་ལ་རྒྱངས་ཤིང་ལ་འཕྱངས་ཏེ་གསོད་རང་དགོས་མཁན། སྨྲས་ཏེ་སྐད་བཏོན་ཏེ་སྨྲས་ཏེ་རང་སྡོད་ཟིན། 15 འོ་ལས་པི་ལ་ཏོས་མི་བུངས་ཤིག་ཡ་ལ་དགེ་དང་ལང་འཇུག་དགོས་མཁན་སྨྲ་མཁན་གྱི་སེམས་བྱས་ཏེ་ཁོང་གིས་སློང་གྱོ་ཅོག་གྲོ་བྱས་ཏེ་བྰ་རབ་བ་ལ་རང་གཏོང་རྫོང་ཟིན། ཡ་ཤུ་བ་ལ་ནི་ཀོ་བ་པེ་ཏྲིས་རྒྱབ་འཇུག་ཟིན་པ་རང་། འོ་ལས་རྒྱངས་ཤིང་ལ་འཕྱངས་ཏེ་གསོད་ཅེས་ལ་རང་གི་དམག་མི་ཡ་ལ་རྩིས་རྒྱབ་ཟིན།།
དམག་མི་ཡ་གིས་ཡ་ཤུ་བ་ལ་སྐུར་པ་འདེབས་ཀྱོ།
16 དམག་མི་ཡ་གིས་ཡ་ཤུ་བ་ལ་པི་ལ་ཏོའི་རྒྱལ་ཁང་ནང་ལ་འཁྱོང་ཟིན། འོ་ལས་དམག་མི་གང་པོ་ལ་རང་སྐད་བརྒྱབ་སྟེ་འཁྱོང་ཟིན། 17 འོ་ལས་ཁོང་གིས་ཡ་ཤུ་བ་ལ་ཆུ་པ་མུ་མེན་མདོག་ཅིག་བསྐོན་བསྟེར་ཏེ། འོ་ལས་ཚེར་མའི་ཐོད་བཟོས་ཏེ་བསྐོན་སྟེར་ཟིན། 18 འོ་ལས་ཡ་ཤུ་བ་ལ་མཇལ་ཏེ། ཡ་ཧུ་དྰ་པ་ཡ་གི་རྒྱལ་པོ་འོང་འཇུག །སྨྲས་ཏེ་གཤེ་ཁྲེལ་བྱས་ཏེ་སྨྲ་ཟིན། 19 འོ་ལས་ཡ་ཤུ་བ་ལ་ཐུ་ལུད་བརྒྱབ་སྟེ། བེར་ཀ་གཅིག་བླངས་ཏེ་ཡ་ཤུ་བའི་མགོ་ལ་རང་རྒྱབ་ཟིན། འོ་ལས་ཡ་ཤུ་བའི་མདུན་ལ་པུས་མོ་བཙུགས་ཏེ་མཇལ་ཟིན། 20 འདི་རོ་བ་སྐྱོན་འདོགས་ཟིན་པ་རང་དམག་མི་ཡ་གིས་འོ་ཆུ་པ་མུ་མེན་མདོག་ཕུད་དེ་གཉིས་པར་རང་ཡ་ཤུ་བའི་བཀབ་ཆ་རང་བསྐོན་སྟེར་ཟིན། འོ་ལས་རྒྱངས་ཤིང་ལ་འཕྱང་ཅེས་ལ་འཁྱེར་ཟིན།།
ཡ་ཤུ་བ་ལ་རྒྱངས་ཤིང་ལ་འཕྱང་གྱོ།
21 ལམ་ལ་འགྲོ་རང་འགྲོ་མཁན་གང་ལ་ཁོང་གིས་སི་མོན་སྨྲ་མཁན་གྱི་ཀི་རེ་ནེ་ལུང་པའི་མི་གཅིག་ལ་ཁ་འདུ་རྒྱབ་ཟིན། ཁོ་ཨ་ལེག་སན་དེར་དང་རུ་ཕུའི་ཨ་ཕ་ཡིན་མཁན། ཁོ་ཞིང་ལས་གྲོང་ལ་ལོག་འོང་མཁན་རང་ཡོད་མཁན། འོ་ལས་ཁོང་གིས་ཁོ་ལ་བཟུང་སྟེ་ཡ་ཤུ་བའི་རྒྱངས་ཤིང་འཁུར་འཇུག་ཟིན། 22 འོ་ལས་ཡ་ཤུ་བ་ལ་གོལ་གོ་ཐྰ་སྨྲ་མཁན་གྱི་ས་ཆ་ལ་འཁྱེར་ཟིན། གོལ་གོ་ཐྰ་སྨྲ་མཁན་དེ་ཐོད་པའི་ས་ཆ་སྨྲ་ཀྱོ་ཡིན་པ།
23 འོ་ལ་སླེབས་ཏེ་དམག་མི་ཡ་གིས་{ཡ་ཤུ་བ་སྨྲ་མི་ཁུག་པ་འགྲོ་འཇུག་སྨྲས་ཏེ་} སྨན་ཁ་ཏིག་བླུག་ཀྱོའི་རྒུན་ཆང་སྟེར་ཟིན། འོ་ལས་ཡ་ཤུ་བས། ང་མི་འཐུང་། སྨྲས་ཏེ་གཏོང་རྫོང་ཟིན། 24 འོ་ལས་དམག་མི་ཡ་གིས་ཡ་ཤུ་བ་ལ་རྒྱངས་ཤིང་ལ་བཞག་སྟེ་ལག་པ་དང་རྐང་པ་ལ་ལྕགས་གཟེར་དིམ་སྟེ། འོ་ལས་རྒྱངས་ཤིང་སློང་ཟིན་པ་རང་ས་ལ་ཨི་ཁུང་འབྲུ་ཀྱོའི་ས་ཆ་ལ་དིམ་ཟིན། འོ་ལས་ཁོང་གིས་ཡ་ཤུ་བའི་བཀབ་ཆ་བླངས་ཏེ་རང་གི་ནང་ནས་རྒྱན་བརྒྱབ་སྟེ་བགོད་ཟིན། 25 འདི་ཅོག་གྲོ་བྱས་ཏེ་ཁོང་གིས་ཡ་ཤུ་བ་ལ་རྒྱངས་ཤིང་ལ་འཕྱངས་ཏེ་འཇོག་ཟིན། འོ་ཙམ་ལ་སྔ་དྲོ་ཆུ་ཚོད་དགུ་པ་བརྒལ་ཏེ་ཡོད་མཁན། 26 ཡ་ཤུ་བ་ལ་ཅིའི་དོན་དག་ལ་གསོད་ཀྱོ་སྨྲས་ཏེ་ཁོང་གིས་རྒྱངས་ཤིང་གི་རྩེ་མོ་ལ། འདི་ཡ་ཧུ་དྰ་པ་ཡ་གི་རྒྱལ་པོ་ཡིན་པ། སྨྲས་ཏེ་སྤང་ལེབ་ལ་བྲིས་ཏེ་འཇོག་ཟིན།
27 ཡ་ཤུ་བ་མཉམ་པོ་རང་ཁོང་གིས་ཇག་པ་གཉིས་ཁྱོང་སྟེ་རྒྱངས་ཤིང་གཉིས་ལ་འཕྱང་ཟིན། ཡ་ཤུ་བའི་གཡས་པ་ངོས་ལས་གཅིག །གཡོན་མ་ངོས་ལས་གཅིག 28 །འོ་ཅོག་གྲོ་བྱས་ཏེ་མི་ཡ་གིས་ཁོ་ལ་མི་ངན་པའི་གྲལ་ལ་འཇོག་ཅེས་ཡོད། སྨྲས་ཏེ་ཡ་ཧུ་དྰ་པའི་གསུང་རབ་ལ་བྲིས་ཏེ་འཇོག་ཀྱོའི་གཏམ་དོན་དག་འགྲུབ་འོང་གྱོ་ཡིན་པ།
29 འོ་ལས་འོ་ལམ་ལས་འགྲོ་མཁན་གྱི་མི་ཡ་གིས་མགོ་གཡོས་ཏེ་གཡོས་ཏེ་ཡ་ཤུ་བ་ལ་སྐུར་པ་བཏབ་སྟེ་སྨྲ་ཟིན། ལོག་ལྟ་དོང་། མཆོད་ཁང་ཧྲུམ་སྟེ་ཉི་མ་གསུམ་ལ་རང་གཉིས་པར་བཟོ་ཁུག་སྨྲ་མཁན་གྱི་མི་ལ། 30 འོ་ན་ད་ལྟ་རྒྱངས་ཤིང་ལས་བབས་ཏེ་རང་ལ་ཐར་འཇུག་དོང་ལེ། སྨྲས་ཏེ་མི་ཡ་གིས་སྨྲ་ཟིན། 31 འོ་ཅོག་གྲོ་བྱས་ཏེ་རང་ལེ་ཝི་ཆེན་པོ་དང་བཀའ་ཁྲིམས་གཏོང་མཁན་གྱི་དགེ་རྒན་ཡ་གིས་ཀྱང་ཡ་ཤུ་བ་ལ་གཤེ་ཁྲེལ་བྱས་ཏེ་སྨྲ་ཟིན། མི་གཞན་པ་ཡ་ལ་ནི་ཐར་འཇུག་ཟིན། རང་ལ་ནི་ཐར་འཇུག་མི་ཁུག་པས། 32 ཨེ་བསྐུས་པ་དེ། ཨེ་ཡིས་ར་ཨལ་གྱི་རྒྱལ་པོ། ད་ལྟ་རྒྱངས་ཤིང་ལས་བབས་ཏེ་ཤོག །འོ་ལས་ག་ངེད་ཀྱིས་མོས་པ་བྱེད་མཁན། སྨྲས་ཏེ་ཁོང་གིས་སྨྲ་ཟིན། ཡ་ཤུ་བའི་རྩར་ཟུར་ལ་འཕྱང་གྱོའི་ཇག་པ་གཉིས་ཀྱིས་ཀྱང་ཡ་ཤུ་བ་ལ་གཤེ་ཁྲེལ་བྱེད་ཟིན།།
ཡ་ཤུ་བ་འཆི་ཀྱོ།
33 ཉི་མ་ཕྱེད་ལ་ལུང་པ་གང་པོ་རང་ནག་ཚུབ་པེ་རྒལ་ཟིན། ཆུ་ཚོད་གསུམ་པ་ཐུག་ནག་ཚུབ་པེ་རང་སྡོད་ཟིན། 34 འོ་ལས་ཆུ་ཚོད་གསུམ་པ་ལས་ཕར་ཡ་ཤུ་བས་སྐད་ཆེན་པོ་ཞིག་བཏོན་ཏེ། ཨལ་ལ་འི། ཨལ་ལ་འི། ལ་མ་ཤ་བག་ཐ་ནི། སྨྲས་ཏེ་སྨྲ་ཟིན། འདི་གཏམ་གྱི་དོན་དག །ངའི་ཨལ། ངའི་ཨལ། ང་ལ་ཅི་ལས་དབྱུགས་བཞག་པ། སྨྲས་ཏེ་སྨྲ་ཀྱོ་ཡིན་པ། 35 འདི་གཏམ་ཐོས་ཏེ་འོ་ལ་ལངས་ཏེ་སྡོད་མཁན་གྱི་མི་ཡ་གི་ནང་ལ་ལ་ལས། ལྟོས་གནང་། ཁོས་ནི་ཨལ་ལ་ཡ་ལ་ག་སྐད་རྒྱབ་ཀོ་ནུ་བ། སྨྲས་ཏེ་སྨྲ་ཟིན། 36 འོ་ལས་མི་གཅིག་མཆོངས་ཏེ་བརྒལ་ཏེ་ཀ་བལ་ཅོག་གྲོའི་རྫས་ཤིག་རྒུན་ཆང་སྐྱུར་པོ་ལ་སྤག་སྟེ་བེར་ཀའི་རྩེ་མོ་ལ་བསྐོན་ཏེ་ཡ་ཤུ་བའི་ཁ་ལ་བཞག་བསྟེར་ཏེ། ལོ་ད་ནི། ཨལ་ལ་ཡ་འོངས་ཏེ་ཁོ་ལ་འབེབས་ཀོ་ནུ་ནི་ལྟ་མཁན། སྨྲས་ཏེ་སྨྲ་ཟིན། 37 འོ་ལས་ཡ་ཤུ་བས་སྐད་ཆེན་པོ་ཞིག་བཏོན་ཏེ་འཆི་ཟིན། 38 འོ་ཙམ་ལ་རང་ཡ་ཧུ་དྰ་པའི་མཆོད་ཁང་ལ་རྒྱབ་ཀྱོའི་ཡོལ་བ་ཆེན་པོ་ཐོག་ཡིན་འཇུག་འོག་ཐུག་དཀྱིལ་ཐད་ཀ་ལས་མར་རང་རལ་ཟིན་ནུ་བ།
39 རོ་མ་པ་དམག་མི་ཡ་གི་བརྒྱ་དཔོན་ནི་རྒྱངས་ཤིང་གི་ཁ་ཟུར་ལ་ལངས་ཏེ་གང་པོ་རང་བལྟས་ཏེ་བསྡད་དེ་ཡོད་མཁན། འོ་ལས་ཡ་ཤུ་བས་སྐད་ཆེན་པོ་བཏོན་ཏེ་འཆི་མཁན་མཐོང་སྟེ་འགབ་ལས་ཁོས། འདི་མི་ནི་བདེན་པར་རང་ཨལ་ལོ་ཧིམ་གྱི་སྲས་པོ་རང་ཡིན་པ་ནུ། སྨྲས་ཏེ་སྨྲ་ཟིན།
40 འོ་ལས་ལ་ལ་བུད་མེད་བུ་ཚ་ཡ་གིས་ཀྱང་ཕར་ཙམ་ལ་ལངས་ཏེ་འོ་གང་པོ་རང་བལྟས་ཏེ་བསྡད་དེ་ཡོད་མཁན། ཁོང་གི་ནང་ལ་མིར་ཡམ་མག་དལ་མ་ནི། ཡ་ཀོ་བོས་ཆུང་བ་དང་ཡོ་སེའི་ཨ་མ་མིར་ཡམ་དང་ས་ལོ་མེ་ཡོད་མཁན། 41 ཁོང་ག་ལིལ་ལུང་པ་ལས་རང་ཡ་ཤུ་བ་མཉམ་པོ་ཞབས་ཏོག་ཞུས་ཏེ་འོང་གྱོ་ཡིན་མཁན། འོ་ལས་ཡ་ཤུ་བ་མཉམ་པོ་ཡ་རུ་ཤ་ལེམ་ལ་འོང་གྱོའི་བུད་མེད་གཞན་པ་མང་པོ་རང་འོངས་ཏེ་བལྟས་ཏེ་བསྡད་དེ་ཡོད་མཁན།།
ཡ་ཤུ་བའི་ཕུང་པོ་བདོག་ཀྱོ།
42 འོ་ཉི་མ་ངལ་འཚོ་མཁན་གྱི་གདོང་ལ་ཉི་མ་ཁེལ་ཏེ་ཡོད་མཁན། འོ་ལས་ངལ་འཚོ་མཁན་གྱི་ཉི་མ་ལ་ལས་ཀ་ཅི་ཡང་བྱེད་མ་དགོས་འཇུག་སྨྲས་ཏེ་ 43 དགོང་སྲོད་ལ་ཡོ་སེབ་མིང་འཐོགས་ཀྱོའི་ཨ་རི་མ་ཐྰ་ཡྰ་གྲོང་ཁྱེར་གྱི་མི་གཅིག་འོང་ཟིན། ཁོ་འགོ་པ་ཆེན་པོ་ཡ་གི་ཚོགས་ནང་གི་མི་གཅིག་ཡིན་མཁན། འོ་ལས་ཁོས་ཨལ་ལོ་ཧིམ་གྱི་རྒྱལ་སྲིད་ཀྱི་དུས་ཚོད་ནམ་འོང་མཁན་སྨྲས་ཏེ་ཁོས་བསྒུགས་ཏེ་བསྡད་དེ་ཡོད་མཁན། འོ་ལས་ཁོས་སེམས་ཆེན་པོ་བྱས་ཏེ་པི་ལ་ཏོའི་རྩར་ལ་བརྒལ་ཏེ། ཡ་ཤུ་བའི་ཕུང་པོ་ང་ལ་འཁྱེར་འཇུག་དོང་། སྨྲས་ཏེ་ཞུ་ཟིན། 44 ཡ་ཤུ་བ་འདི་ཙམ་མགྱོགས་པར་འཆི་ཟིན་ཟིན་སྨྲ་མཁན་ཐོས་ཏེ་པི་ལ་ཏོ་ལ་ཡ་མཚན་པ་ཞིག་གནས་ཟིན། འོ་ལས་རོ་མ་པ་དམག་མི་ཡ་གི་བརྒྱ་དཔོན་ལ་སྐད་བརྒྱབ་སྟེ། ཡ་ཤུ་བ་བདེན་པར་རང་འཆི་ཟིན་གྱོ་ཡིན་པ། སྨྲས་ཏེ་འདྲི་ཟིན། 45 འོ་ལས་རོ་མ་པ་དམག་མི་ཡ་གི་བརྒྱ་དཔོན་གྱིས་ཡིན་པ་སྨྲས་ཏེ་སྨྲས་ཏེ་འགབ་ལས་པི་ལ་ཏོས་ཡོ་སེབ་ལ། ཡ་ཤུ་བའི་ཕུང་པོ་འཁྱེར་ན་འགྲིག་མཁན། སྨྲས་ཏེ་སྨྲ་ཟིན། 46 འོ་ལས་ཡོ་སེབ་ཀྱིས་རས་དཀར་པོ་ཉོས་ཏེ་ཡ་ཤུ་བའི་ཕུང་པོ་རྒྱངས་ཤིང་ལས་ཕབ་སྟེ། འོ་རས་དཀར་པོས་བཏུམས་ཏེ་རྡོ་བྲག་གི་ལྡེབས་ལ་བརྐོས་འཇོག་ཀྱོའི་ཕུག་པ་གཅིག་ནང་ལ་བདོག་འཇོག་ཟིན། འོ་ལས་རྡོ་ཆེན་པོ་ཞིག་ཁྱོང་སྟེ་ཕུག་པའི་སྒོ་ལ་བཀག་འཇོག་ཟིན། 47 མིར་ཡམ་མག་དལ་མ་ནི་དང་ཡོ་སེའི་ཨ་མ་མིར་ཡམ་གྱིས་ཡ་ཤུ་བའི་ཕུང་པོ་བདོག་མཁན་དེ་བལྟས་ཏེ་སྡོད་ཟིན།། །།
